არის წუთები რომელიც არ გყოფნის – ეს არის რაჭა! - ''შეანელე დრო რაჭაში''

#დრო #რაჭა #საქართველო #ქართული

სიამოვნების, თავდავიწყების, თავისუფლების, ბედნიერების და უამრავი სხვა განცდების ადგილი..განცდების, რომელიც არ მთავრდება, რომელიც სურვილს გიჩენს რომ დრო გააჩერო.. ასეთი ადგილი იმაზე ახლოს არის ვიდრე ვფიქრობთ და იმაზე ადვილად აღმოსაჩენია, ვიდრე გვგონია.. ჩვენი გალაკტიკა - „ირმის ნახტომი“, პლანეტა დედამიწა, ევროპისა და აზიის გზაგასაყარი, საქართველო, რაჭა. ადგილი, რომელიც შენს ისტორიებს, შენზე კარგად იმახსოვრებს.. ადგილი, სადაც ბედნიერება გაზაფხულის პირველ ენძელასთან ერთად იღვიძებს და ზაფხულის მწვანე ტყეებში, თეთრ სიგრილედ არსებულ თავისუფლებად გადაიქცევა..
ზუსტად იმიტომ, რომ ეს ამბები არგამოგვრჩეს, ზუსტად იმისთვის, რომ აღმოვაჩნოთ ადგილი, სადაც „წამის შეჩერება“ მოგვინდება, ამბროლაურის ტურისტულმა ცენტრმა დაიწყო კამპანია, რომელიც ემსახურება რაჭაში ტურიზმის განვითარებას. „შეანელე დრო რაჭაში“ (Slow Time InRacha), სარეკლამო კლიპის მთავარი მიზანიც სწორედ რაჭაში ჩაკარგული, ერთი შეხედვით, თვალთახედვიდან გაქცეული ამბების გაცოცხლებაა “Slow Time inRacha” ამ პროექტის მთავარი სლოგანია.