იანვარში საქართველოს დერეფანში ტვირთები გაიზარდა. სატრანსპორტო დარგებმა 2017 წლის პირველ თვეში 3 მლნ. ტონა ტვირთი გადაზიდეს, ანუ 200 ათასი ტონით მეტი, ვიდრე შარშან. იანვარში საზღვაო ნავსადგურებსა და ტერმინალებში მილიონ 400 ათასი ტონა ტვირთი გადაამუშავეს, გაიზარდა გადამუშავებული კონტეინერების რაოდენობა, ძირითადად ფოთის პორტში ზრდის ხარჯზე.

საავტომობილო გზით გადაზიდული ტვირთები ბოლო 3 წელია, სტაბილურ ნიშნულზეა. რაც შეეხება რკინიგზას, ტვირთბრუნვა მილიონ ტონამდეა გაზრდილი, ასევე გაორმაგდა ტვირთების მოცულობა საჰაერო გადაზიდვების გზით.