ჩინეთის საბანკო სისტემამ, 2016 წელს, აქტივების მოცულობით, ევროზონის საბანკო სექტორს გადააჭარბა და მსოფლიოში პირველი ადგილი დაიკავა.

ინფორმაციას ბრიტანული გამოცემა "ფაინენშალ ტაიმსი" ავრცელებს.

31 იანვრის მდგომარეობით, ჩინეთის საბანკო სისტემის აქტივების მოცულობამ 33 ტრილიონ დოლარს მიაღწია, ხოლო ევროზონის 19- ქვეყნისაგან შემდგარი საბანკო სისტემა მხოლოდ 31 ტრილიონი დოლარის აქტივებს ფლობს.

ამის მიუხედავად, ანალიტიკოსები შიშობენ, რომ ჩინეთის საბანკო სისტემის მოცულობითი აქტივები, დადებითზე მეტად უარყოფით სიგნალს იძლევა და საბანკო კრედიტებზე ქვეყნის ეკონომიკის გადაჭარბებულ დამოკიდებულებასა და გაზრდილ რისკებზე მიანიშნებს.