წლის დასაწყისიდან ღვინის ექსპორტი გაორმაგდა. ღვინის ეროვნული სააგენტოს ინფორმაციით, 2 თვის მონაცემებით, საქართველოდან მსოფლიოს 32 ქვეყანაში ექსპორტირებულია 8 მილიონ ბოთლზე მეტი ღვინო, რაც 94%-ით აღემატება 2016 წლის ანალოგიურ მაჩვენებელს.

ექსპორტიდან მიღებული შემოსავალი 91%-ით არის გაზრდილი, 20,5 მლნ. დოლარამდე.

რაც შეეხება ექსპორტიორი ქვეყნების პირველ ხუთეულს, ესენია: რუსეთი, უკრაინა, ჩინეთი, ყაზახეთი და პოლონეთი.

ამასთან, საანგარიშო პერიოდში ექსპორტირებულია 5,2 მლნ. დოლარის ღირებულების ბრენდი - ზრდამ 53% შეადგინა.

ჭაჭის ექსპორტმა კი თანხაში 99 ათასი დოლარი შეადგინა, რაც 119%-ით მეტია გასული წლის იანვარ-თებერვლის მაჩვენებელზე.