"ერთიანი ნაციონალური მოძრაობა" ახალი ინიციატივით გამოდის, რომლის მიხედვითაც, სისხლის სამართლის საპროცესო კანონმდებლობაში ცვლილებები უნდა შევიდეს და დაცვის მხარის უფლებები გაიზარდოს, რათა მხარეთა თანასწორობა დაცული იყოს.
განცხადება დღეს გამართულ ბრიფინგზე საპარლამენტო ფრაქცია "ერთიანი ნაციონალური მოძრაობის" დეპუტატმა თინა ბოკუჩავამ გააკეთა.
მხარეთა თანასწორობის უზრუნველსაყოფად წარმოდგენილი ინიციატივა რამდენიმე ცვლილებას მოიცავს, მათ შორის თუ პროკურატურა პირისთვის ბრალის წაყენების შემდეგ ადვოკატს ან მოწმეს დაავალდებულებს, არ გათქვან სისხლის სამართლის საქმის შესახებ ინფორმაცია, ამის შესახებ 24 სთ-ის განმავლობაში შუამდგომლობით უნდა მიმართოს სასამართლოს.
სანამ სასამრთლო შუამდგომლობაზე მიიღებს გადაწყვეტილებას, მხარე ვალდებულია შეასრულოს გაუთქმელობის ვალდებულება.
გაუთქმელობის პრინციპთან დაკავშირებით სისხლის სამართლის საპროცესო კოდექსში ცვლილების შეტანის მომხრეაფრაქცია "ევროპული საქართველო". ინიციატივა შეაფასეს მმართველ გუნდშიც.