„ჰუმან რაითს ვოჩი“ ტელეკომპანია “რუსთავი 2-ის”-საქმესთან დაკავშირებით განცხადებას აქვეყნებს. ორგანიზაციაში გამოთქვამენ შეშფოთებას მედიის თავისუფლების შესაძლო შეზღუდვაზე.
“ხელისუფლებისთვის მისაღები ცვლილება "რუსთავი 2-ის" სარედაქციო პოლიტიკაში სერიოზულ დარტყმას მიაყენებს მედიაპლურალიზმს საქართველოში და შესამჩნევად შეუზღუდავს საზოგადოებას ოპოზიციურ განწყობებზე წვდომას”, – ამბობს ორგანიზაციის სამხრეთ კავკასიის დირექტორი გიორგი გოგია:
“მთელი ეს პროცესი "რუსთავი 2-ის" საკუთრებასთან დაკავშირებით საფრთხეს უქმნის მედიის თავისუფლებას, სასამართლოს დამოუკიდებლობას და მოითხოვს უფრო ღრმა განხილვას.
ორგანიზაციაში აცხადებენ, რომ შეშფოთებას "რუსთავი 2-ში" ხელისუფლების სავარაუდო ჩარევასთან დაკავშირებით უფრო ამძაფრებს სხვა მოვლენებიც, რომლებიც ქართულ მედიაგარემოში ვითარდება და რომლებმაც შეამცირეს კრიტიკული მედიის ადგილი.
“დემოკრატიული საზოგადოება დამოკიდებულია გარანტიებზე, რომლებიც უზრუნველყოფენ, რომ მოქმედ ხელისუფლებას არ შეეძლოს უკანონოდ დამოუკიდებელ სასამართლოსა თუ პლურალისტურ მედიაში ჩარევა. სანამ ევროპის ადამიანის უფლებთა სასამართლო გააჩენს შესაძლებლობას, მანამდე უნდა გაეცეს პასუხი ფართოდ გავრცელებულ შეშფოთებას მსგავს შეუსაბამო ჩარევასთან დაკავშირებით”, – აცხადებენ ორგაანიზაციაში.