ავტობანის სამტრედია-გრიგოლეთის მონაკვეთზე დასაქმებული მუშები გაიფიცნენ. ისინი საპროტესტო აქციას მართავენ.

მუშები ხელფასების დროულად დარიცხვას, ანაზღაურების გაზრდას და სამუშაო პირობების გაუმჯობესებას ითხოვენ. აქციის მონაწილეები ამბობენ, რომ უკვე სამი თვეა, ანაზღაურებას ვერ იღებენ და იანვრის შემდეგ ხელფასის მხოლოდ მცირე ნაწილი დაირიცხა.

დასაქმებულები შრომითი ხელშეკრულებების დადებასაც ითხოვენ.

სამშენებლო კომპანია „ალტკომის“ ადმინისტრაციაში განმარტავენ, რომ იანვრის ხელფასი უკვე დაირიცხა, დარჩენილი დავალიანება კი, მალე ანაზღაურდება. ამასთან, ისინი ამბობენ, რომ ხელშეკრულებები დასაქმებულებთან დადებულია და სამუშაო პირობებიც შესაბამისია.

ადგილზე მობილიზებულია პოლიცია.