ავტობანის მშენებლობაზე დასაქმებულების გამაფრთხილებელი აქცია - მუშები ხელფასების დროულად მიღებას, ანაზღაურების გაზრდას და სამუშაო პირობების გაუმჯობესებას ითხოვენ.

გაფიცულების განცხადებით, უკვე მესამე თვეა ხელფასები არ მიუღიათ. დასაქმებულები შრომითი ხელშეკრულებების დადებასაც ითხოვენ.

სამშენებლო კომპანია "ალტკომის" ადმინისტრაციაში განმარტავენ, რომ იანვრის ხელფასი უკვე გაცემულია, დარჩენილი დავალიანება კი მალე ანაზღაურდება. სამტრედია- გრიგოლეთის მონაკვეთზე საპროტესტო აქციის ადგილზე მობილიზებული იყვნენ სამართალდამცავები.