საქართველო და სამხრეთ აფრიკა სპორტის სფეროში თანამშრომლობას იწყებენ. ამ მხრივ პირველი ნაბიჯები რაგბის მიმართულებით გადაიდგმება. ქართულ გუნდებთან თანამშრომლობის სურვილი დასავლეთ კეიპის პროვინციის კლუბმა გამოთქვა.
აპრილის ბოლოს და მაისის დასაწყისში აღნიშნული გუნდის ეგიდით, საქართველოს სამხრეთ აფრიკის ახალგაზრდა მორაგბეთა გუნდი ესტუმრება და ჩვენს 20 წლამდელთა ნაკრებთან, რამდენიმე სპარინგ მატჩს ჩაატარებს, რომელიც ახალგაზრდული მსოფლიო ჩემპიონატისთვის ემზადება.
რაგბის შემდეგ იგეგმება თანამშრომლობა სპორტის სხვა სახეობებში. ამ საკითხებზე სასაუბროდ და დეტალების შესათანხმებლად, სპორტის სამინისტროში გამართულ შეხვედრაზე იმსჯელეს მინისტრმა ტარიელ ხეჩიკაშვილმა მისმა მოადგილე რევაზ ჯაველიძემ და სამხრეთ აფრიკული კომპანიის, “გლობალ სპორტს მენეჯმენტის და ივენთ გრუპის” ხელმძღვანელმა, საიმონ კლარკმა