საქართველოს მთავარი პროკურატურის შენობაში, დაკავებული დეკანოზის გიორგი მამალაძის სახლიდან ამოღებული სეიფი გახსნეს. როგორც დეკანოზის ადვოკატები აცხადებენ, სეიფში არაფერი აღმოჩნდა. ადვოკატები ამ საპროცესო საგამოძიებო მოქმედებას დაესწრნენ.

„ჩვენი თანდასწრებით, სპეციალისტის საშუალებით, გაიხსნა სეიფი, თუმცა იქ არაფერი აღმოჩნდა“, - განუცხადა ჟურნალისტებს დეკანოზის ერთ-ერთმა ადვოკატმა მიხეილ რამიშვილმა.

ასევე, ადვოკატების განცხადებით, სავარაუდოდ, დღეს, ე.წ. ციანიდის საქმეზე დაკავებული დეკანოზის მოთხოვნა დაკმაყოფილდება და მისი ოჯახის წევრებს დაცვა გამოეყოფა. ამის შემდეგ, დეკანოზი მზად იქნება, გამოძიებისთვის ჩვენების მიცემა განაახლოს, რაც, სავარაუდოდ, ორ დღეში მოხერხდება.