დაკავებული დეკანოზის ოჯახს, სავარაუდოდ, სახელმწიფო დაცვა დაენიშნა. გავრცელებული ცნობით, ქობულეთში, სასულიერო პირის საცხოვრებელ სახლთან, „ტოიოტას“, „შკოდას“ და „ფორდის“ მარკის ავტომობილების გადაადგილება შეინიშნება.

დაენიშნა თუ არა დაკავებული დეკანოზის ოჯახს სახელმწიფო დაცვა, ამ საკითხზე მამა გიორგი მამალაძის ადვოკატი არ საუბრობს.

დეკანოზი გიორგი მამალაძე პროკურატურას ჩვენებას, სავარაუდოდ, ხვალ მისცემს. რაც შეეხება გაუთქმელობის პრინციპის გაუქმების მოთხოვნაზე პროკურატურის უარს, ბრალდებულის ადვოკატი აცხადებს, რომ მხარე შედეგის მისაღებად ალტერნატიულ მექანიზმებზე დაიწყებს მსჯელობას.