„ჩვენ გვინდა უფლებები და არა ყვავილები!“, „ჩემი სხეული ჩემი საქმეა“, – ეს სლოგანები ისმოდა დღეს გამართულ ქალთა სოლიდარობის აქციაზე.

მსვლელობა ფილარმონიიდან დაიწყო და პარლამენტთან გაგრძელდა. აქციის მონაწილეების აზრით, დღეს, ქართული საზოგადოება ქალს უფლებას არ აძლევს თავად განკარგოს საკუთარი სხეული და აირჩიოს იდენტობა.

მსვლელობის პარალელურად, აქცია-პერფომანსი გაიმართა სახელმწიფო კანცელარიასთან, სადაც გენდერული კვოტის დაცვაზე და ქალთა შრომით უფლებებზე გამახვილდა ყურადღება.

მონაწილეთა აზრით, ქალები ნიჭიერების და თავდაუზოგავი შრომის მიუხედავად, საქართველოში ხშირად ვერ ახერხებენ კარიერულ წინსვლას და ეს პრაქტიკა უნდა შეიცვალოს.