ავღანეთის დედაქალაქ ქაბულში, აშშ-ის საელჩოს შენობასთან ახლოს მდებარე სამხედრო ჰოსპიტალზე თავდასხმას 30 ადამიანის სიცოცხლე ემსხვერპლა. 50-ზე მმეტი კი დაიჭრა. აფეთქების შემდეგ, შეიარაღებულმა პირებმა კლინიკაში სროლა დაიწყეს და ხელყუმბარა ისროლეს.

საავადმყოფოს თანამშრომლების ინფორმაციით, ერთ-ერთ თავდამსხმელს თეთრი კვართი ეცვა, რომელმაც პაციენტი და საავადმყოფოს ერთი თანამშრომელი მოკლა.

ამ დროისთვის, ტერიტორიაზე სპეციალური ძალების თანამშრომლები იმყოფებიან.

თავდასხმაზე პასუხისმგებლობა ე.წ. ისლამურმა სახელმწიფომ აიღო.