„აშშ მტკიცედ უჭერს მხარს უკრაინას და პირობას დებს, რომ რუსეთის წინააღმდეგ სანქციები შენარჩუნდება“,- ამის შესახებ უკრაინის საგარეო საქმეთა მინისტრის, პაველ კლიმკინისა და აშშ-ის სახელმწიფო მდივან რექს ტილერსონის შეხვედრის შემდეგ გავრცელებულ განცხადებაშია აღნიშნული, რომელიც უკრაინის საგარეო უწყების ვებგვერდზე გავრცელდა.

შეხვედრაზე კლიმკინმა ტილერსონს მადლობა გადაუხადა იმ მხარდაჭერისთვის, რომ ვაშინგტონი რუსეთის ფედერაციის წინააღმდეგ აგრესიაში დახმარებას უწევს.

აშშ-ის სახელმწიფო მდივნის თქმით, რუსეთის წინააღმდეგ სანქციები ძალაში მანამდე დარჩება, სანამ მინსკის ხელშეკრულებები სრულად არ შესრულდება და ყირიმის დეოკუპაცია არ მოხდება.