გუშინ, ღამით, დიდ დიღომში მომხდარი მკვლელობის შესახებ შინაგან საქმეთა სამინისტრო ახალ გარემოებებზე საუბრობს. უწყების ინფორმაციით, დადგენილია ბრალდებულის ვინაობა და მის დასაკავებლად ოპერატიულ-სამძებრო და საგამოძიებო ღონისძიებები მიმდინარეობს.

საქმე აღძრულია 108-ე მუხლით, რაც განზრახ მკვლელობას გულისხმობს.

შეგახსენებთ, რომ შუახნის მამაკაცი დემეტრე თავდადებულის ქუჩაზე მოკლეს. ქუჩის მცხოვრებლები ამბობენ, რომ მოკლული იქ არ ცხოვრობდა, თუმცა ხშირად ნათესავთან სტუმრად მიდიოდა.

სამედიცინო ეკიპაჟის ადგილზე მისვლისას მამაკაცი ჯერ კიდევ ცოცხალი იყო, თუმცა საავადმყოფოში იგი კრიტიკულ მდგომარეობაში მიიყვანეს, მას მრავლობითი ჭრილობები აღენიშნებოდა და მისი გადარჩენა ვერ მოხდა.