უნდა შეიცვალოს თუ არა საქართველოში პოლიტიკური პარტიების დაფინანსების წესი - „საერთაშორისო გამჭვირვალობა საქართველოში“ თვლიან, რომ გასული საპარლამენტო არჩევნების ანალიზის შედეგი ამის აუცილებლობას ადასტურებს.

ორგანიზაციამ შეისწავლა თუ ვინ და რამდენი შესწირა პოლიტიკურ პარტიებს 2016 წელს. შედეგები უფრო მძიმეა,- აცხადებენ ოპოზიციაში, მმართველი გუნდის წევრები კი, ვისთანაც ყველაზე მეტი კითხვა შეიძლება დაისვას, კანონის დარღვევეას გამორიცხავენ. სულ შემოწირულობების სახით პარტიებმა შარშან 32 მილიონი ლარი მიიღეს, აქედან 21 "ქართულმა ოცნებამ" მიიღო.