2016 წელს საქართველოში ტურისტების რეკორდული მაჩვენებელი დაფიქსირდა. იღბლიანი ჰოლანდიელი ვიზიტორი აღმოჩნდა, რომელის ჩამოსვლითაც ტურისტთა რაიოდენობამ სწორედ 6 მილიონს მიაღწია.

ჯასპერმა თბილისის აეროპორტში მოულოდნელად გაიგო, რომ ჩვენი ქვეყნის საპატიო სტუმარი იყო და წინ არაერთი სიურპრიზი ელოდა. ამ მოვლენის შესახებ ეკონომიკის სამინისტროს ტურიზმის ეროვნულმა ადმინისტრაციამ სპეციალური ვიდეორგოლი მოამზადა, სადაც ნაჩვენებია, თუ როგორ ხვდებიან აეროპორტში განსაკუთრებულ სტუმარს და როგორ გრძელდება ჯასპერის თავგადასავალი არა მხოლოდ თბილისში, არამედ საქართველოს რამდენიმე რეგიონში.

კლიპის პრეზენტაცია გუშინ გაიმართა. ვიდეორგოლისა და ინტერნეტპორტალის პოპულარიზაცია მსოფლიოს 14 ქვეყანაში იგეგმება.