ბათუმში განვითარებული მოვლენების შესახებ წერს უცხოური მედია. სააგენტო BBC ათობით დაშავებულის შესახებ ავრცელებს ინფორმაციას, რომელთა შორისაც სამართალდამცველებიც არიან.

სააგენტო ყურადღებას ამახვილებს საპროტესტო აქციის მონაწილეების მიერ ავტომობილებისა და ხეების გადაწვაზე, ასევე სპეცდანიშნულების რაზმის მხრიდან, ცრემლსადენი აირის გამოყენებაზე.

რადიო თავისუფლება კი იუწყება, რომ ადგილობრივი მოსახლეობა შეუსაბამოდ მაღალ ჯარიმებს აპროტესტებს. ვებგვერდზე ვკითხულობთ, რომ ვითარების დეესკალაციისთვის, საქართველოს შინაგან საქმეთა მინისტრმა საჯარიმო ქვითრის ჩაბარებაზე უარის გაცხადების გამო, დაკავებული პირების გათავისუფლების განკარგულება გასცა.