თავდასხმა ჰაიტიზე. სამგზავრო ავტობუსი ქვეითებს გამიზნულად დაეჯახა. ინციდენტის შედეგად დაღუპულია სულ მცირე 38 ადამიანი. შემთხევა ქალაქ ჰონაივიში გვიან ღამით მოხდა.
თავდაპირველად ავტობუსი გაჩერებაზე მდგომ ორ პირს დაეჯახა, რომელთაგან ერთ-ერთი ადგილზევე დაიღუპა. შემდეგ კი გაჩერების სიახლოვეს ქუჩის მუსიკოსებისკენ დაიძრა.
მომხდარით განრისხებული მოქალაქეები ავტობუსს დაესხნენ თავს და ცეცხლის წაკიდება სცადეს. მძღოლმა ადგილიდან მიმალვა შეძლო, თუმცა ავტობუსში სხვა მგზავრებიც აღმოჩნდნენ. მათ დაცვას სამართალდამცველები შეეცადნენ და მოქალაქეებს ავტობუსის გადაწვის საშაულება არ მისცეს.
დაშავებულები საავადმყოფოში არიან გადაყვანილი. მომხდარს უკვე გამოეხმაურა ქვეყნის პრეზიდენტი და დაღუპულთა ოჯახებს თანაგრძნობა გამოუცხადა.