"ფერარი" 70 წლის იუბილეს აღნიშნავს. ჩანაფიქრის მიხედვით, მრგვალი თარიღის აღნიშვნა 60 ქვეყანაში მოხდება, ღონისძიებების მთავარი მოვლენა კი კომპანიის ახალი, შეზღუდული სერიის ავტომობილის, "ლა-ფერარი აპერტას" დემონსტრირება მოხდება.

საიუბილეო მოვლენების თვალყურის დევნება სპეციალურ საიტზე იქნება შესაძლებელი, ხოლო დასკვნითი ცერემონია 9-10 სექტემბერს მარანელოში გაიმართება, იქ, სადაც 70 წლის წინ "ენცო ფერარიმ" თავისი პირველი ავტომობილი გამოსცადა.

იუბილესთან დაკავშირებით, წელს "ფორმულა-1"-ში მონაწილე "ფერარის" მოდელებს სპეციალური საიუბილეო ინდექსი მიენიჭებათ.