150 000 ლარი - ეს არის ზარალის წინასწარი მონაცემი, რომელიც ბათუმს 13-საათიანი მღელვარების და ძალადობრივი ქმედებების შედეგად მიადგა.

სპეციალური კომისია მუშაობას განაგრძობს. არ არის გამორიცხული, რომ ზიანის ასანაზღაურებლად ქალაქის მერიას აჭარის მთავრობის დახმარება დასჭირდეს. მიყენებული ზარალის ყველაზე დიდი წილი საგზაო ინფრასტრუქტურაზე მოდის.

სამუშაოების ნაწილი უკვე დასრულებულია. აბუსერიძის ქუჩა, რომელიც საპროტესტო მღელვარების ეპიცენტრად იქცა, ძველ იერსახეს იბრუნებს.

სასწავლო პროცესი უკვე განახლდა საბალეტო სკოლაში, რომელიც 11-12 მარტის მოვლენების გამო დაზიანდა.

დამტვრეული და დამწვარია შვიდი ავტომობილი, რომელთა შორის ხუთი პოლიციის საკუთრებაშია.

ბოლო მონაცემებით, 34 დაშავებულიდან ამ დროისთვის საავადმყოფოში მხოლოდ ერთი ადამიანი რჩება.

მერაბ წულუკიძე ბათუმიდან.