#აქცია ბათუმში, აჭარის პოლიციის მთავარ სამმართველოსთან 11-12 მარტს გამართული აქციის დროს დაკავებულების სასამართლო პროცესი გრძელდება. მოსამართლე გოჩა ფუტკარაძემ სამ პირს - რამაზ დუმბაძეს, ნიკა ბერიძესა და უჩა აბაშიძეს 250-250 ლარიანი ჯარიმა შეუფარდა. ისინი ჩადენილ დანაშაულს აღიარებენ.

სასამართლო პროცესზე ერთ-ერთმა დაკავებულმა უჩა აბაშიძემ განაცხადა, რომ აქციის შესახებ სოციალური ქსელით გაიგო, სადაც "აჭარის მოსახლეობას შეურაცხყოფას აყენებდნენ". როგორც აბაშიძე აცხადებს, სწორედ ამან გამოიწვია მისი აღშფოთება და შემთხვევის ადგილზე ნასვამ მდგონარეობაში მივიდა.

ავტორი: მარიკო კეკელიძე