საქართველოს პრეზიდენტი, ე.წ. მოსმენების კანონპროექტთან დაკავშირებით, ოპოზიციურ სპექტრთან კონსულტაციებს განაგრძობს. დღეს გიორგი მარგველაშვილი „პატრიოტთა ალიანსის“ ფრაქციის წევრებს შეხვდება.

საპარლამენტო ოპოზიციაში მიიჩნევენ, რომ მათი და პრეზიდენტის პოზიციები ე.წ. მოსმენების კანონთან დაკავშირებით თანხვედრაშია, ოპოზიციის ლიდერების თქმით, პრეზიდენტი შემოთავაზებულ კანონპროექტს ვეტოს დაადებს.

განსხვავებული პოზიცია აქვს მმართველ გუნდს. საპარლამენტო უმრავლესობა მიიჩნევს, რომ მოსმენების შესახებ შემოთავაზებული კანონპროექტი ადამიანის უფლებებისა და სახელმწიფო უსაფრთხოების დაცვას უზრუნველყობს.

უმრავლესობაში პოზიცია არ შეუცვლიათ და აცხადებენ, რომ პრეზიდენტთან კონსულტაციების გამართვას არ აპირებენ.