საფრანგეთის პრეზიდენტობის კანდიდატის, ფრანსუა ფიიონის წინააღმდეგ ქვეყნის პროკურატურამ საქმე აღძრა. მას დეპუტატობის პერიოდში სახელმწიფო სახსრების მითვისებასა და ოჯახის წევრებისთვის ფიქტიურ დასაქმებაში ედება ბრალი.
სკანდალი ფრანსუა ფიიონის ირგვლივ მას შემდეგ განვითარდა, რაც ერთ-ერთმა ფრანგულმა გამოცემამ გაავრცელა ინფორმაცია, რომ ფიიონის მეუღლე პენელოპა ფიიონი წლების განმავლობაში ფიქტიურად იყო დასაქმებული სენატორის თანაშემწედ პარლამენტის აპარატში.
პენელოპა ფიიონი სამსახურებრივი მოვალეობის შესრულების გარეშე ანაზღაურებას იღებდა. თანხამ 2005-2007 წლებში 900 ათასი ევრო შეადგინა.
მეუღლის გარდა, ფრანსუა ფიიონმა თავის აპარატში ფიქტიურად დაასაქმა შვილებიც, რაშიც მათ, ანაზღაურების სახით, 84 ათასი ევრო აიღეს.