ნიდერლანდებში საპარლამენტო არჩევნები მიმდინარეობს. ქვეყნის მასშტაბით, საარჩევნო უბნები რამდენიმე საათია გაიხსნა. საკუთარი არჩევანი უკვე გააკეთა ქვეყნის პრემიერმინისტრმა. საარჩევნო უბანზე იმყოფებოდა ულტრამემარჯვენე პარტიის ლიდერიც.
ექსპერტთა განმარტებით, საკანონმდებლო ორგანოს არჩევნები მოქალაქეთა ნაციონალისტური შეხედულებების ერთგვარი ტესტი იქნება.
150-მანდატიან პარლამენტში ადგილების მოსაპოვებლად 28 პარტია იბრძვის. თუმცა გამარჯვების რეალური შანსი ორ პარტიას აქვს.
მთავარი კონკურენტები პრემიერმინისტრ მარკ რუტეს ,,სახალხო პარტია თავისუფლებისა და დემოკრატიისთვის” და გერტ ვილდერსის ულტრა მემარჯვენე ,,თავისუფლების პარტია” არიან.
გერტ ვილდერსი, გამარჯვების შემთხვევაში, ქვეყნის ევროკავშირიდან გამოსვლას და ჰოლანდიაში მოქმედი მეჩეთების დახურვას გეგმავს.