საარსებო მინიმუმი რეკორდულ მაჩვენებელზეა. ინფლაციამ საარსებო მინიმუმი გაზარდა, "საქსტატის" ინფორმაციით, შრომისუნარიან მამაკაცს თებერვალში არსებობისთვის 168 ლარი და 10 თეთრი სჭირდებოდა, რაც იანვართან შედარებით, 1.8 ლარით მეტია, წინა წლის მაჩვენებელს კი, 4.9 ლარით აღემატება.

საშუალო მომხმარებლის საარსებო მინიმუმი 148 ლარით და 90 თეთრით განისაზღვრა, საშუალო ოჯახის კი, 282 ლარით და 10 თეთრით. თებერვალში საარსებო შემწეობა 445 555-მა ადამიანმა მიიღო, ანუ მოსახლეობის 11.9%-მა. მათთვის სახელმწიფო ბიუჯეტიდან 21,26 მლნ ლარი გადაირიცხა.