ფარული მიყურადება იყო მთავარი განსახილველი თემა პარლამენტის ადამიანის უფლებათა დაცვის კომიტეტში, დეპუტატების წინაშე 2016 წლის ანგარიშით პერსონალურ მონაცემთა დაცვის ინსპექტორი წარდგა.

დოკუმენტის მიხედვით, გამოვლინდა სამართალდარღვევის 221 ფაქტი. 63 ორგანიზაციას კი ჯარიმა დაეკისრა.

დოკუმენტში წერია, რომ წინა წელთან შედარებით, შარშან მოქალაქეების, საჯარო და კერძო ორგანიზაციებისთვის გაწეული კონსულტაციების რაოდენობა 3-ჯერ გაიზარდა. ასევე 2-ჯერ იმატა ფიზიკური პირების განცხადებებმაც.

თამარ ქალდანს დეპუტატებმა ერთი წლის წინ პირადი ინფორმაციის შემცველი ფარული ჩანაწერების გავრცელების ფაქტზე დაწყებულ გამოძიებაზეც ჰკითხეს. პერსონალურ მონაცემთა დაცვის ინსპექტორი ამბობს, რომ ძიება გაჭიანურებულია.