2016 წელს ბინები ყველაზე ძვირი მთაწმინდაზე ღირდა, ყველაზე იაფი კი გლდანსა და სამგორში.

როგორც უძრავი ქონების ლაბორატორიის ფარგლებში გამოქვეყნებულ ახალ კვლევაშია ნათქვამი, გაყიდვების საშუალო ფასი ერთ კვადრატულ მეტრზე მთაწმინდაზე ათას 33 დოლარი, სამგორში კი 547 დოლარი იყო.

რაც შეეხება ბინების გაქირავებას, საშუალო ფასი ერთ კვადრატულ მეტრზე ყველაზე ძვირი – 8,37 დოლარი მთაწმინდის რაიონში ფიქსირდებოდა, ხოლო ყველაზე იაფი – 4,52 დოლარი გლდანში. თბილისში გაყიდვების საშუალო ფასმა კვადრატულ მეტრზე 866 დოლარი შეადგინა, რაც 3.8%-ით ნაკლებია 2015 წლის დეკემბერთან შედარებით. გაქირავების საშუალო ფასმა კი 7.20 დოლარი, რაც 2015 წლის დეკემბერთან შედარებით 6% -ით ნაკლებია.