ზესტაფონში ქარის ელექტროსადგურის მშენებლობისთვის ინვესტორების შერჩევა, მარტის ბოლოსთვის გადაიდო. დაინტერესებული სამი კომპანიაა, რომლებმაც მსგავსი პირობები წარადგინეს, შედეგად ენერგეტიკის განვითარების ფონდმა, ინვესტორთა შერჩევის მეორე ეტაპი გამოაცხადა.

გამარჯვებული კომპანია მოლაპარაკებების დასრულების შემდეგ დასახელდება. მათივე ცნობით, კომპანიას, ზესტაფონში ქარის ელექტროსადგურის მშენებლობის, ტექნიკურ-ეკონომიკური შესწავლისათვის 12-დან 18 თვემდე დასჭირდება.

ზესტაფონში ქარის ელექტროსადგური სავარაუდოდ 150 მეგავატი სიმძლავრის იქნება. საერთო საწარმოს თავდაპირველი საწესდებო კაპიტალი, 400 ათას ლარს უნდა შეადგენდეს.