ფრაქცია „ევროპულმა საქართველომ” მცირე და საშუალო ბიზნესის მხარდამჭერი პროგრამა წარადგინა. 7 პუნქტიანი გეგმის მიხედვით, ბენზინზე, დიზელსა და გაზზე აქციზი უნდა განახევრდეს. 2018 წლიდან კი, საშემოსავლო გადასახადმა 15%-მდე უნდა დაიწიოს.

ზურაბ ჭიაბერაშვილის თქმით, ქვეყანაში სახეზე გვაქვს ეკონომიკური სტაგნაცია, ფასების ზრდა და ცხოვრების გაძვირება. მისივე განმარტებით, აღნიშნული გეგმის მიხედვით, შემცირდება გადასახადები და შეიკვეცება სამთავრობო ხარჯები. „ევროპული საქართველო” აღნიშნულ პროგრამას პარლამენტში დღეს წარადგენს.