ბათუმისა და ლაზეთის მიტროპოლიტ დიმიტრი შიოლაშვილის გადაწყვეტილებით, პატრიარქის მდივან-რეფერენტის, შორენა თეთრუაშვილის მკვლელობის მომზადების ბრალდებით დაკავებული დეკანოზ გიორგი მამალაძე ჩაქვის წმიდა კეთილმორწმუნე მეფე დავითის სახელობის სკოლის დირექტორის თანამდებობიდან გადააყენეს.
საჯარო რეესტრში ასახული ინფორმაციით, ჩაქვის სკოლის დირექტორის თანამდებობაზე მღვდელი დანიელ სოლომონიძე დაინიშნა. საჯარო რეესტრში აღნიშნული ცვლილების მოთხოვნის თაობაზე განცხადება 2017 წლის 1 მარტს შევიდა, რომელიც საჯარო რეესტრის ეროვნულმა სააგენტომ 7 მარტს დაამტკიცა.
მღვდელი დანიელ სოლომონიძე ქობულეთის სოფელ ზედა სამებაში ყოვლადწმიდა სამების სახელობის ტაძრის წინამძღვარია.
დაკავებული დეკანოზი გიორგი მამალაძე აღნიშნულ სკოლას ბოლო სამი წლის განმავლობაში ხელმძღვანელობდა.