ექვსწლიანი ლოდინის შემდეგ, რუსეთ-საქართველოს შორის არსებული შეთანხმება, შესაძლოა, უახლოეს თვეებში ამოქმედდეს. საუბარია ხელშეკრულებაზე, რომლის მიხედვით, ფსოუზე და როკის გვირაბთან ტვირთბრუნვას შვეიცარიელი მებაჟეები გააკონტროლებენ.

სატრანსპორტო დერეფნის გახსნას, თავის დროზე მოსკოვი მსოფლიო სავაჭრო ორგანიზაციაში გასაწევრიანებლად, საქართველოს ხმის სანაცვლოდ დასთანხმდა.

პრაღის მოლაპარაკებების შემდეგ, პრემიერის სპეციალური წარმომადგენელი ამბობს, რომ პროცესი დასასრულს უახლოვდება.

ფინალური ეტაპი შვეიცარიულ კომპანიასთან კონტრაქტების გაფორმებას გულისხმობს.

ოფიციალურ თბილისს კონტრაქტი მზად აქვს და ახლა ანალოგიურ ნაბიჯს მოსკოვისგან ელის.