#ტექნოლოგია #მეცნიერება #მეცნიერები #მეთოდი #Telegraph #ტექნოლოგიური
- თანამედროვე სამყაროში ტექნოლოგიები ელვის სისწრაფით ვითარდება. ის, რაც რამდენიმე წლის წინ წარმოუდგენელი გვეგონა, თანდათან რეალობა ხდება. ადამიანების მეხსიერებაში ცოდნის ატვირთვა მეცნიერების ახალი გამოწვევაა. მკვლევრები მუშაობენ სპეციალური სიმულატორის შექმნაზე, რომელიც ტვინს უმოკლეს დროში მიაწოდებს უცხო ინფორმაციას. დაახლოებით ისე, როგორც ეს ფილმ მატრიცაშია. სიმულატორის მიერ მიწოდებული ინფორმაციის შედეგად, ადამიანის ტვინი ახალ უნარებს აითვისებს. HRL-ს ლაბორატორიის მეცნიერები ამბობენ, რომ მათ მიაგნეს გზას, რომლის საშუალებითაც შესაძლებელი ხდება ცოდნის მიღების გზების გაფართოება. ისიც უნდა ითქვას, რომ ეს გზა არც ისეთი ფართოა, როგორც ეს ფილმშია ნაჩვენები, თუმცა პრინციპი მსგავსია. მეცნიერებმა გამოცდილი პილოტის ტვინის ელექტრული სიგნალები შეისწავლეს და შემდეგ მიღებული მონაცემები გამოუცდელ ადამიანებზე გამოსცადეს. შედეგად, ამ ადამიანებმა აითვისეს საპილოტო ხელოვნება, რომელიც ნამდვილი თვითმფრინავის სიმულატორზე გამოსცადეს.Frontiers in Human Neuroscience-ში გამოქვეყნებულ კვლევაში წერია, რომ მათ, ვინც თავზე დასამაგრებელი სპეციალური მოწყობილობით ტვინის სტიმულაცია მიიღო, 33%-ით უკეთ აითვისეს საპილოტო ხელოვნება, ვიდრე მათ, ვინც პლაცებოს ჯგუფში იყო. "ჩვენი სისტემა არის ერთ-ერთი პირველი ამ დარგში. ის ტვინის სტიმულაციის სისტემაა. ერთი შეხედვით, ეს განცხადება სამეცნიერო ბელეტრისტიკას ჰგავს, თუმცა მართლაც არსებობს ცოდნის ბაზა, რომლის საშუალებითაც შესაძლებელია ამ სისტემის განვითარება", - ამბობს მეცნიერი ენდრეიუ ფილიპსი. ენდრიუს სჯერა, რომ ამ სამეცნიერო აღმოჩენის გამოყენება პირველ ეტაპზე მანქანის ტარების, გამოცდებისთვის მომზადებასა და ენის შესწავლაში იქნება შესაძლებელი.

წყარო: Telegraph