ნარკოტიკული ნივთიერების შეძენა-შენახვაში ბრალდებულ მიხეილ თათარიშვილს თბილისის საქალაქო სასამართლომ აღკვეთ ღონისძიებად პატიმრობა შეუფარდა. ამის შესახებ „მოამბის“ ჟურნალისტი ადგილიდან იუწყება.
მიხეილ თათარიშვილი საქართველოს პრეზიდენტის სიძის მინდია გოგოჭურის მეგობარია. მას 18 აბი სუბოტექსის შეძენა-შენახვა ედება ბრალად.
გოგოჭურის განცხადებით, ის რიკოთის უღელტეხილზე თათარაშვილთან ერთად იმყოფებოდა, სადაც შეიარაღებულმა პირებმა ფიზიკური და სიტყვიერი შეურაცხყოფა მიაყენეს.
გოგოჭურის თქმით, ამის შემდეგ თათარიშვილი "პრადოს" მარკის ავტომობილით გაურკვეველი მიმართულებით წაიყვანეს.
ბრალდებულის ადვოკატი ირმა ჭკადუა ამბობს, რომ მისი დაცვის ქვეშ მყოფი ნარკოტიკულ ნივთიერებებს არ მოიხმარს და მას სუბოტექსი არ ჰქონია.