ვანის რაიონის სოფელ ზეინდარში, შვილმა მამა სანადირო იარაღით მოკლა. როგორც ოჯახის ახლობლები ამბობენ, მამა-შვილი ნასვამ მდგომარეობაში იმყოფებოდნენ და მათ შორის სიტყვიერი დაპირისპირება მოხდა, რის შემდეგაც შვილმა სახლიდან სანადირო იარაღი გამოიტანა და მამას ესროლა.

როგორც საზოგადოებრივს შინაგან საქმეთა სამინისტროში განუცხადეს, სამართალდამცავებმა ბრალდებული პირი ცხელ კვალზე ჩატარებული ოპერატიულ-სამძებრო ღონისძიებების შედეგად დააკავეს. უწყების ცნობით, ნივთმტკიცებად ამოღებულია დანაშაულის იარაღი.

მომხდარზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს და ითვალისწინებს თავისუფლების აღკვეთას შვიდიდან თხუთმეტ წლამდე ვადით.