"საქსტატი" ხელფასების ზრდაზე აცხადებს. ოფიციალური სტატისტიკით, ბოლო ერთ წელიწადში საქართველოში საშუალო ხელფასი წლიურად 54 ლარით გაიზარდა და მეოთხე კვარტლის მონაცემებით, 1 065 ლარს და 90 თეთრს მიაღწია.

მესამე კვარტალში ეს მაჩვენებელი 980 ლარი და 60 თეთრი იყო. რაც შეეხება სექტორებს, ყველაზე მაღალანაზღაურებადი კვლავ საფინანსო სექტორია, სადაც დასაქმებულთა საშუალო ხელფასი 2 ათას 24 ლარამდე გაიზარდა და ეს სექტორი რეიტინგის ლიდერია.

სამეულშია მშენებლობა და უძრავი ქონებით ოპერაციები. სახელმწიფო მმართველობა კი ხელფასების კუთხით, რეიტინგის მერვე ადგილზეა. ყველაზე დაბალი ხელფასი კი, 589 ლარი, კვლავ განათლების სექტორშია.