პარიზში ორლის აეროპორტი ამ წუთებშიც დაკეტილია, ადგილზე ფრანგი სამართალდამცველები მუშაობენ.
რამდენიმე საათის წინ სიდიდით მეორე აეროპორტში სამხედროებს უცნობი მამაკაცი დაესხა თავს, რომელიც მათთვის იარაღის წართმევას ცდილობდა. დაცვის თანამშრომლებმა წინააღმდეგობის გაწევისას მას ცეცხლი გაუხსნეს, რის შედეგადაც თავდამსხმელი ადგილზე გარდაიცვალა.
ინციდენტის გამო, ორლის აეროპორტიდან ხალხის ევაკუაცია განახორციელეს პოლიციამ ჩხრეკისას პირს ასაფეთქებელი მოწყობილობა ვერ აღმოუჩინა, ჯერჯერობით უცნობია თავდასხმის მოტივი და ის, ჰყავდა თუ არა მას თანამზრახველები.
სამართალდამცველების ინფორმაციით, ინციდენტამდე რამდენიმე საათით ადრე პირი პარიზის ჩრდილოეთით სროლაში მონაწილეობდა და იგი სამართალდამცველების ძებნის ობიექტი იყო,
"ბი-ბი-სი“ კი წერს, რომ თავდამსხმელი აეროპორტში მოპარული მანქანით მოხვდა. შეგახსენებთ, რომ გასულ წელს საფრანგეთში განხორციელებული ტერაქტების სერიის შემდეგ ქვეყანა კვლავ საგანგებო სიტუაციის რეჟიმში რჩება.