თურქეთი ევროპას მიგრანტების ნაკადით პობლემების შექმნით ემუქრება. თურქეთის შინაგან საქმეთა მინისტრის განცხადებით, ანკარასა და ამსტერდამს შორის კონფლიქტის გაგრძელების შემთხვევაში თუქრეთი მზადაა საზღვარი გახსნას და ყოველთვიურად ევროპაში 15 ათასი არალეგალი მიგრანტი შეუშვას.
სულეიმან სოილუს ამ განცხადებამდე თურქეთის საგარეო საქმეთა მინისტრიც იმუქრებოდა მიგრანტებთან დაკავშირებით ევროკავშირთან არსებული შეთანხმების დარღვევას. ერთი წლის წინ ევროკავშირსა და თურქეთს შორის გაფორმებული ხელშეკრულებით მიგრანტების მიღების სანაცვლოდ, თურქეთს 6 მილიარდი ევრო და ევროპაში უვიზო მიმოსვლა უნდა მიეღო.
მას შემდეგ რაც, წელს ამსტერდამში შესვლაზე თურქეთის საგარეო საქმეთა მინისტრს უარი ეთქვა, ქვეყნებს შორის ურთიერთობა დაიძაბა და დიპლომატიური მისიები გაუქმდა.
ჩავუშოღლუ ამსტერდამში სააგიტაციო აქციაზე გამოსვლას გეგმავდა, სადაც ერდოღანისთვის უფლებამოსილების გაზრდასთან დაკავშირებულ რეფერენდუმზე უნდა ესაუბრა.