საპროტესტო აქცია საბანკო სექტორის წინააღმდეგ - იორმუღანლოს მოსახლეობა ბანკებს ტყუილში, ზეწოლასა და მომხმარებელთა უფლებების დარღვევაში ადანაშაულებს.
მოსახლეობა ბანკებისგან კრედიტებზე პროცენტების დაწევას და საკრედიტო დავალიანებების რესტრუქტურიზაციას ითხოვს.
მათ ბანკებიდან სესხები, მეცხვარეობის განვითარების მიზნით, იპოთეკის უზრუნველყოფით აიღეს. თუმცა ცხვრის რეალიზაცია ვერ მოხერხდა და კრედიტს დავალიანება დაერიცხა.
მოსახლეობის განმარტებით, ენის ბარიერის გამო, ხელშეკრულების პირობები მათთვის გაუგებარი იყო. ახლა კი, ვალის სანაცვლოდ, ბანკმა საცხოვრებელი სახლის დათმობა მოითხოვა.
იორმუღანლოში გამართულ აქციას პოლიტიკური პარტია ,,თავისუფალი საქართველოს“ ლიდერი და არასამთავრობო კოალიცია ,,სახალხო ტრიბუნა“ შეუერთდა.