შუახევის სოფელ ბუთურაულის მცხოვრებლებმა ბათუმში, თამარის დასახლებაში ეკომიგრანტებისთვის გათვალისწინებული კორპუსი დატოვეს. მათ აჭარის ავტონომიური რესპუბლიკის მთავრობის წარმომადგენლებისგან მიიღეს დაპირება, რომ მათთან შეხვედრა შედგება; სოფელს გეოლოგები შეისწავლიან და გადაწყვეტენ, თუ რომელი ოჯახები ექვემდებარებიან გასახლებას.
ადგილობრივები მოლაპარაკებებს სამინისტროებში გააგრძელებენ - იუწყება აჭარის ტელევიზია.
შენობაში მყოფთა ნაწილი ბათუმის მერთან შეხვედრაზე გაემართა, ნაწილი კი, ჯანდაცვის სამინისტროში.
ბუთურაულის 50 მცხოვრები ეკომიგრანტებისთვის გათვალისწინებულ კორპუსში რამდენიმე საათის წინ შეიჭრა.
ისინი აცხადებენ, რომ მეწყერსაშიშ ზონაში ცხოვრობენ და ამის გამო შეიჭრნენ შენობაში.
ბუთურაულის მცხოვრებლები შენობის დატოვებას არ აპირებდნენ, თუმცა მოლაპარაკებების შედეგად, ტერიტორია დატოვეს.