ე. წ. სტრასბურგის სასამართლოს მოდელი საქართველოში არ შეიქნება. საკონსტიტუციო კომისიამ სახალხო დამცველისა და კომისიის რამდენიმე წევრის ინიციატივა დაიწუნა.
შეთავაზების მიხედვით, საერთო სასამართლოებში დასრულებული საქმეების გადახედვის შესაძლებლობა საკონსტიტუციო სასამართლოს ექნებოდა.
პარალელურად, კომისიის სხდომაზე შეთანხება შედგა რამდენიმე საკითხზე – კონსტიტუციაში აისახება სახალხო დამცველის საბიუჯეტო გარანტიები.
ცვლილებები შეეხება პროკურატურასაც და უწყება განისაზღვრება როგორც ცალკე კონსტიტუციური ორგანო. მთავარ პროკურორს კი პარლამენტი საპროკურორო საბჭოს წარდგენით დაამტკიცებს.
შეთანხმება ვერ შედგა და დისკუსიები გაგრძელდება ისეთ საკითხებზე, როგორიცაა მოსამართლეთა 3- წლიანი გამოსაცდელი ვადის გაუქმება და სახალხო დამცველის არჩევის ვადები.