როგორი იქნება პრეზიდენტის არჩევის წესი. საკითხზე დამატებით კომენტარს საკონსტიტუციო კომისიის თავმჯდომარე აკეთებს. ირაკლი კობახიძემ ტელეკომპანია იმედის ეთერით განმარტა, რომ აქცენტი ვახტანგ ხმალაძის შეთავაზებაზე გაკეთდება, რომელიც ითვალისწინებს რეგიონული წარმომადგენლობით პრეზიდენტის არჩევას.

კონსტიტუციონალისტის წინადადების მიხედვით, 150 დელეგატს ირჩევენ აჭარისა და აფხაზეთის უმაღლესი საბჭოები და საკრებულოთა გაერთიანება იმ პროპორციით, რა პროპორციითაც წარმოდგენილი არიან პოლიტიკური პარტიები თვითმმართველ ორგანოებში.

ასევე, პრეზიდენტის არჩევის პროცესში ჩართული იქნება პარლამენტის ყველა დეპუტატი.