2017 წლის დაწყებიდან 9 გარდაცვლილი და 68 დაშავებული. ეს არ არის საბრძოლო მოქმედებების ან სტიქიური მოვლენების შედეგი. ეს არის საგანგაშო სტატისტიკა, რომელიც საქართველოს მხოლოდ ერთ ქალაქში, რუსთავში, ბუნებრივ აირზე მომუშავე გამათბობლების ექსპლუატაციის წესების დარღვევამ გამოიწვია.
რუსთავში, ბუნებრივი აირით ინტოქსიკაციის შედეგად, გასულ კვირას, 27 წლის მამაკაცი გარდაიცვალა. როგორც ირკვევა, თითქმის ყველა ტრაგიკული შემთხვევის დროს, საცხოვრებელ ბინაში მხუთავი აირის დაგროვების მიზეზი ერთი და იგივე პრობლემა იყო.
რუსთავში ახლა მოქალაქეების ინფორმირების მიზნით, 45 ათასი ბროშურა უნდა დარიგდეს.
რას უნდა მიაქციოთ ყურადღება, როდესაც სახლში ბუნებრივ აირზე მომუშავე წყლის ან ჰაერის გამათბობელი გაქვთ. ვის უნდა მიმართოთ ტექნიკის შემოწმებისთვის? - ამის შესახებ დეტალურად ნახეთ მარიკა შალიკაშვილის და გიორგი ბაზერაშვილის რეპორტაჟში.