საქართველოს პრეზიდენტმა ადმინისტრაციის წარმომადგენლებთან და არასამთავრობო ორგანიზაციების წევრებთან ერთად, თბილისის უნივერსიტეტების სტუდენტებს კამპანიის „კონსტიტუცია ყველასია" ფარგლებში შეხვდა.

პრეზიდენტის კამპანია კონსტიტუციის დამტკიცებამდე, ცვლილებების განხილვის პროცესში, საერთო სახალხო ჩართულობას გულისხმობს.

ქვეყნის პირველმა პირმა კონსტიტუციაში შესატან ცვლილებებთან დაკავშირებით, სტუდენტების და საზოგადოების სხვადასხვა ჯგუფების მოსაზრებები მოისმინა.

გიორგი მარგველაშვილის განცხადებით, კონსტიტუციის სულისკვეთება საქართველოს თითოეული მოქალაქის თანხმობაა ძირითადი თამაშის წესების შესახებ.

პრეზიდენტმა კონსტიტუციის მნიშვნელობასა და მასში მოქალაქეების ჩართულობის აუცილებლობაზე ისაუბრა.