მმართველი გუნდი პრეზიდენტის მეექვსე ვეტოს დასაძლევად ემზადება. სხდომამდე ერთი დღით ადრე გიორგი მარგველაშვილის შენიშვნები იურიდიულ საკითხთა კომიტეტში მოისმინეს და მხარი არ დაუჭირეს.

მმართველი გუნდისთვის გაუგებარია იმ სააგენტოს დამოუკიდებლობის ეჭვქვეშ დაყენება, რომელსაც ფარული საგამოძიებო მოქმედებების ჩატარების უფლება ექნება.

სადავო კანონის ავტორები მობილური ოპერატორებისთვის დამატებითი ხარჯების დაკისრებასაც უარყოფენ. დოკუმენტის საბოლოო ვერსიას ადეკვატურად აფასებს ვიცეპრემიერი ჯეჯელავაც, რომელიც პრეზიდენტს გახშირებული ვეტოების გამო აკრიტიკებს.

საპარლამენტო ოპოზიცია და მესამე სექტორი საკონსტიტუციო სასამართლოში ფარული მიყურადების შესახებ კანონის კიდევ ერთხელ გასაჩივრებით იმუქრება.