გალში აფხაზეთის დე ფაქტო რეჟიმის წარმომადგენლებთან გამართული მორიგი შეხვედრა კი ისევ კონკრეტული შედეგის გარეშე დასრულდა.
ოფიციალური თბილისის მიერ დაყენებული ყველა საკითხი კვლავ ღიად დარჩა. მოთხოვნებს შორის იყო საქართველოს ხელისუფლებისთვის გიგა ოთხოზორიას მკვლელობაში ბრალდებულის გადმოცემა და ე.წ. სასაზღვრო-გამშვები პუნქტების დახურვა, ასევე დრანდის ციხეში მყოფი გიორგი ლუკავას და საოკუპაციო ხაზთან დაკავებული რამდენიმე მოქალაქის გათავისუფლება.
საოკუპაციო რეჟიმის წარმომადგენლები ლუკავას ოჯახის მიერ პატიმრის შეწყალების შესახებ გავრცელებულ ინფორმაციას უარყოფენ.
გალში შეხვედრების მორიგი რაუნდი 25 აპრილს ჩაინიშნა. დღეს დაყენებული ყველა საკითხის განხილვას ოფიციალური თბილისი ჟენევის მომდევნო მოლაპარაკებაზე გეგმავს.