სკანდალში ეხვევა ორი ბრაზილიური კომპანია, რომელთა ნაწარმი ქართულ ბაზარზეც იყიდება. ორწლიანი გამოძიების შემდეგ საქმიანობა შესაძლოა აუკრძალონ ხორცპროდუქტების კომპანია ,,ბი-არ-ეფის” და ჯი-ბი-ესს", რომლებიც პროდუქციას ,,სადიას” და ,,სიერრას” სახელითაც აწარმოებენ.
ძიების შედეგად დადგინდა, რომ ფრინველის და საქონლის ხორცის უმსხვილესი ექსპორტიორი წლების განმავლობაში საკვებად უვარგისი და ჯანმრთელობისთვის საშიში პრუდუქტების წარმოებით იყო დაკავებული.
გამოძიებას ანალოგიური ბრალდება აქვს ხორცპროდუქტების მწარმოებელი კიდევ 30-მდე ბრაზილიური კომპანიის მიმართ. რეიდის შემდეგ შავ სიაში მოხვედრილი კომპანიების რამდენიმე საწარმო დახურულია.
ძიების დასრულების შემდეგ საგანგებო ზომებს იღებს ევროკავშირი, რომელიც ბრაზილიიდან "ბი-არ-ეფის" და "ჯი-ბი-ესის" მიერ წარმოებული ხორცის იმპორტს ნაწილობრივ აჩერებს.
შეიძლებოდა თუ არა ამ კომპანიის მიერ წარმოებული და საკვებად უვარგისი ნაწარმი საქართველოშიც შემოეტანათ - ამ კითხვით ,,მოამბემ” სურსათის უვნებლობის სააგენტოს გარდა, მომხმარებელთა უფლებების დამცველებსაც მიმართა.