საქართველოს საფეხბურთო ნაკრები მორიგი მატჩებისთვის ემზადება. ვლადიმერ ვაისის გუნდი, 24 მარტს "დინამო არენაზე" მსოფლიო ჩემპიონატის საკვალიფიკაციო ეტაპის შეხვედრაში სერბეთის ნაკრებს უმასპინძლებს, ხოლო 28 მარტს, საერთაშორისო ამხანაგურ თამაშში ლატვიას მიიღებს.

ჯვაროსნებმა პირველი ვარჯიში თბილისის ზღვაზე მდებარე, საფეხბურთო კლუბ ზესტაფონის ბაზაზე ჩაატარეს. ვაისის განკარგულებაში გუშინ 20 ფეხბურთელი იყო. სანდრო კობახიძე, ოთარ კაკაბაძე, ნიკა კაჭარავა და ნიკა კვეკვესკირი, ეროვნულ გუნდს დღეს შეუერთდებიან.

მომდევნო ორი დღის განმავლობაში ჩვენი ეროვნული გუნდი ორჯერად ვარჯიშს ჩაატარებს. მატჩებზე დასასწრები ბილეთები, როგორც ონლაინ რეჟიმში, ასევე "დინამოს" სტადიონი სალაროებში იყიდება