ჯიმი ვარშანიძის და რამაზ ხიმშიაშვილის საქმეზე სასამართლო გადაწყვეტილებას ხვალ გამოაცხადებს. ეს ის მოქალაქეები არიან, ვინც პატრულის თანამშრომლებმა ბათუმში 11 მარტს "პლაზას" მიმდებარე ტერიტორიაზე პარკინგის წესების დარღვევისთვის დააჯარიმეს.

დაჯარიმება დაკავებით დასრულდა. ფაქტს კი ბათუმში მასობრივი საპროტესტო აქციები მოჰყვა. ორივე პირი მანქანის არასწორად გაჩერებას აღიარებს, თუმცა პატრულისთვის შეურაცხყოფის მიყენებას ისინი უარყოფენ.

სწორედ ეს იყო დღეს სადავო ბათუმის საქალაქო სასამართლოში.