ჩვენ ვფიქრობთ, რომ მოსმენების შესახებ კანონი იმ სახით უნდა გავიდეს, როგორც მიიღო პირველადი სახით პარლამენტმა, - ამის შესახებ საქართველოს პრემიერმა პრეზიდენტის მიერ კანონზე დადებული ვეტოს შესახებ კომენტირებისას განაცხადა.
გიორგი კვირიკაშვილის თქმით, ხელისუფლებამ ვერ დაინახა არგუმენტი იმისა, რომ ახალი სააგენტოს პირდაპირ დაქვემდებაროს პრემიერს.
„ეს არის ძალიან მნიშვნელოვანი კანონპროექტი ქვეყნის უსაფრთხოებისთვის. ის სტრუქტურები, რომლებზეც არის საუბარი, საბოლო ო ჯამში, არის ისევ და ისევ მთავრობის დაქვემდებარებაში, ამიტომ ამით განსაკუთებული თვისობრივი ცვლილება ვერ მოხდებოდა. ამიტომ ვფიქრობთ, რომ იმ სახით იქნას გატანილი, როგორადაც მიიღო პირველადი სახით პარლამენტმა“, - განაცხადა კვირიკაშვილმა.
საქართველოს პრეზიდენტმა, გიორგი მარგველაშვილმა ე.წ. მოსმენების შესახებ კანონპროექტს ვეტო 20 მარტს დაადო. მარგევლაშვილი პარლამენტს მოტივირებულ შენიშვნებს უგზავნის.
კანონის თანახმად, სახელმწიფო უსაფრთხოების სამსახურის დაქვემდებარებაში შეიქმნება სსიპ ოპერატიულ-ტექნიკური სააგენტო, რომელიც ფარულ მოსმენებს განახორციელებს.